Спортска Мрежа ексклузивно дознава за два трансфери кои утре и официјално ќе бидат потврдени во Беласица.
Струмичкиот второлигаш го врати Александар Коцев во своите редови, а ново засилување во Беласица ќе биде и Алекснадар Богданоски.
21-годишниот Коцев кој е во клуб 100 на Беласица се враќа во струмичката гордост, а во својата кариера има настапувано и за младинските категории на Брера Струмица.
Коцев иако е млад играч, важи за голем талент и повеќе од јасно е дека ќе биде големо засилување за Беласица.
Како што дознава Спортска Мрежа во Беласица ќе пристигне и Александар Богданоски, кој доаѓа од редовите на Кожуф од Гевгелија. 19-годшникот беше дел и од Шкупи и Работнички.
Беласица во есенскиот дел докажа дека може да се носи со млади и талентирани играчи, шефот на стручниот штаб, Александар Стојанов им дава шанса на младите играчи.
Стојанов веќе утре ќе означи старт на подготовките за пролетната полусезона, како што веќе информираше Спортска Мрежа, а исто така, како што претходно информиравме, Беласица на 17. јануари ќе го одигра првиот пријателски меч против тетовска Шкендија, на 22. јануари ќе игра против Вардар Неготино, три дена подоцна со Детонит Плачковица.
На 28. јануари ќе следува меѓународен меч со Струмска Слава од Бугарија, на 1. февруари против Кожуф, а пак „генералката“ ќе биде против Септември Симитли, меѓународен меч со екипата од Бугарија.
Пролетната полусезона Беласица ја отвара на домашен терен против Арсими.
