Најдобриот стрелец во Третата македонска фудбалска лига – Север, Орхан Мифтар, заминува од третолигашот Фортуна и кариерата ќе ја продолжи во нов клуб, дознава Спортска Мрежа.
Искусниот играч во Фортуна пристигна во месец февруари 2024 година, а во својата кариера покрај за овој клуб има настапувано и за Риниа, Дрита од Боговиње, Вардар Форинo, Тетекс и други домашни екипи, а има и меѓународно искуство настапувајќи за Влазниа од Косово.
„Имам понуди од повеќе екипи, во следниот период ќе одлучам каде ќе ја продолжам кариерата“, кратко изјави Мифтар за Спортска Мрежа.
Мифтар е најдобар стрелец во Трета лига – Север со постигнати 19 погодоци во есенскиот дел од сезоната, а во следниот период ќе биде познато каде играчот ќе ја продолжи својата кариера.
