Прволигашот Воска Спорт преку соопштение демантираше за тоа дека клубот ќе го менува градот, но и името. Во соопштението на клубот се вели дека Воска Спорт останува во Охрид, нема да го промени името, ниту градот каде ќе ги игра домашните натпревари.
Од клубот посочуваат дека се работи на процез на реорганизација на клупските структури.
„Сакаме да да ја информраиме јавноста и нашите навивачи дека клубот во моментов е во процес на реорганизација на раководните структури, со цел зајакнување на визијата и амбициите за иднината. Во таа насока сакаме да информираме дека клубот нема намера да го промени името, ниту гардот каде што ќе ги играме натпревари. ФК Воска Спорт со гордост останува дел од Охрид и ќе продолжи да игра во нашиот град. Исто така, најавуваме промена во стручниот штаб, Сафет Ислер е назначен за тренер на првиот тим, на местото на Сеит Крека. Подготовките за пролетната полусезона ги започнуваме на 8. јануари во Охрид. ФК Воска Спорт останува посветена на градење силен тим и достојно да го претставува градот и нашите навивачи во секој предизвик“, се вели во соопштението на охридскиот прволигаш.
Воска Спорт утре ќе ги започне подготовките за пролетниот дел од сезоната во кој тимот ќе има една цел,а тоа е директен опстанок во Првата лига.
Новиот тренер, Сафет Ислер претходно беше тренер на Ван Спорт и во академијата на Бешикташ. Како што веќе информираше Спортска Мрежа, тимот досега официјално се засили со Филип Валениќ, Туре Сира и Оива Лаксонен, а се очекува во следниот период да има и други засилувања.
Воска Спорт е последна на табелата во Првата лига и ќе има неизвесна пролетната полусезона, но генерално повеќе екипи се бодовно блиску една до друга.
