Второлигашот Башкими на 13. јануари ќе ги започне подготовките за пролетната полусезона во која тимот од Куманово има една цел – влез во Првата македонска фудбалска лига.
Освојувачот на Купот на Македонија од сезона 2004/2005 одигра одлична есен и заврши на 3. место на табелата со 32 бодови на своето конто, само бод помалку од второпласираната Брегалница од Штип, која Башкими ја доби во последното есенско коло.
Клубот ќе одигра пет пријателски натпревари преку кои ќе се проверува формата за пролетниот дел од Втората лига.
„По 18 години чекање, ја имаме историската шанса да се вратиме онаму каде што заслужуваме во Првата лига. Оваа сезона е повеќе од спорт – тоа е страст, борба и гордост за нашите бои“, се вели во соопштението на клубот.
Пролетната полусезона Башкими ја отвара на домашен терен против Борец од Велес.
