Актуелниот шампион, Струга Трим Лум, продолжува со засилувањата во својот тим, со цел да ја одбрани титулата во Првата македонска фудбалска лига. Тимот и официјално го претстави сенегалскиот фудбалер Папе Фал, кој доаѓа од редовите на Лиепаја.
24-годишниот лев бек се очекува да внесе нова енергија и квалитет во тимот на Струга за успешна пролетна полусезона. Покрај него, клубот веќе го претстави Хамза Меметриза од Башкими, второлигашот кој се бори за промоција во Прва лига.
Струга подготовките ќе ги започне утре на домашен терен, а потоа заминува во Анталија, Турција, каде ќе биде одработена главната фаза од подготовките со одигрување на пријателски натпревари за темпирање на пролетната форма.
