Второлигашот Башкими со минимлани 0:1 славеше над прволигашот Работнички на пријателски меч. Паузата особено за второлигашите е предолга, и истите мораат да одиграат пријателски мечеви со цел да ја одржуваат формата.
На стадионот „Алумина“ во Скопје двете екипи одиграа пријателски меч, на кој во 28. минута Аган Сулимани постигна погодок за водство на второлигашот од Куманово.
Во вториот дел од мечот мрежите мируваа, а резултат од 28. минута стана конечен со што Башкими забележа минимална победа над прволигашот Работнички.
Прволигашите со своите првенствени натпревари започнуваат следниот викенд, односно со мечевите од 5. коло, додека пак второлигашите продолжуваат дури на 22. септември со натпревари од 5. коло, а пак на 25. септември (среда) ќе се одиграат натпреварите од 4. коло.
Александар Ванев, Спортска Мрежа
