Денес се одиграат пет натпревари од првото воведно коло на ракометната Суперлига, по изненадувањето на новајлијата Бисинов кој ја имаше деби победа над Струга од 30:31 за што веќе објави Спорска Мрежа и Бутел Скопје тргна со убедлива победа над Куманово со 29:12.
На стартот од сезоната и едно реми откако Прилеп и Пролет одиграа 30:30 и ги поделија бодовите.
Во текот на целиот меч водството се менуваше се играше гол за гол, а тоа донесе особено во финишот од натпревар неизвесност. Интересно е тоа што во последните минути од натпревари и двете екипи не реализираа по неколку напади, па со тоа и конечниот исход беше 30:30.
Биковски со шест гола беше најдобар кај Прилеп, а Квастек постигна пет, кај Пролет најдобар со десет погодоци беше Василевски.
Охрид со убедлива победа од 18:36 над повратникот Радовиш ја започна новата сезона во Суперлигата, во која „гладијаторите“ влегуваат со високи цели односно одново обезбедување на место во Европа, но оваа година ќе се вмешаат и во трката за титулата.
Момците на Алушовски уште во првиот дел ги решија дилемети за победникот во СРЦ „25-мај“, а резултат беше 8:18. Во вториот дел само рутина за охридските „гладијатори“ за конечни 18:36 или плус 18.
Најдобар кај Охрид беше Ојлески со седум гола, а Бојаниќ имаше пет. За радовишани најпрецизен беше Постолов со седум гола.
Шампионот Еурофарм Пелистер преку пресврт го совладаа Тиквеш во Кавадарци и победнички ја започнаа сезоната но и одграната на титулата во домашното првенство.
Битолчани одново важат за главни кандидати за освојување на титулата во Суперлигата.
Во првиот дел не одеше според очекуваното и посакуваното кај битолачни, а Тиквеш имаше водство, а на полувреме беше 17:15. Во вториот дел Еурофарм Пелистер беше многу подобар, па така гостинот од Битола дојде и до комплетен пресврт и триумф од 27:31.
Кај победникот најдобар беше Жарко Пешевски со осум гола, а кај Тиквеш Кристијан Атанасовски и Ани Обина имаа по пет гола.
Александар Ванев, Спортска Мрежа
