Македонските прволигаши и второлигаши репрезентативната пауза ја користат за одигрување на пријателски натпревари, а пак второлигаши ќе имаат екстра пауза и следниот викенд, поради настап на аматерската репрезентација на Македонија на турнир во Србија.
Ваквиот долг период без натпревари мора да биде искористен за одигрување на пријателски натпревар со цел да се одржува формата за продолжението од натпреварот.
Брегалница на Градски во Штип одигра пријателски меч со прволигашот Силекс кој го загуби со 1:2.
Двата погодоци за Силекс ги постигна Ади Алиќ, а за „сините“ Иванов од пенал погодиц за конечните 1:2.
Новаци со 4:0 славеше над третолигашот Влазерими во меч каде второлигашот хет-трик постигна Бобан Здравевски, а пак еден гол беше дело на Стефан Јованоски.
Вардар со 0:4 триумфираше над некогашниот прволигаш Еуромилк ГЛ, кој сега настапува во Трета лига – Север на пријателски меч. Сите четири погодоци паднаа во првиот дел од мечот, а стрелци на истите беа Омерагиќ, Закариќ кој беше двоен стрелец и Николовски.
Вардар на овој меч настапи со два состави, еден во првиот дел, и комплетно нов во вториот дел од мечот.
Александар Ванев, Спортска Мрежа
