Македонскиот дефанзивец Диме Димов ќе ја започне својата прва азиска авантура, откако потпиша договор со индонезискиот клуб Персебаја Сурабаја.
По успешната сезона во Локомотив Софија, 30-годишниот стопер одлучи да се пресели во азискиот фудбал, избирајќи го тимот кој моментално се наоѓа на второто место на табелата во индонезиската Лига 1. Со Персебаја, Димов ќе се обиде да го освои шампионскиот пехар во ова натпреварување.
Првиот натпревар за новиот клуб Димов ќе го одигра на 11 јануари против ПСС Слеман, каде ќе се очекува негово деби на азиското тло.
Димов ја започна својата кариера во Македонија, минувајќи низ клубови како Металург, Кожуф, Гостивар, Хоризонт Турново и Академија Пандев, каде што остави најдлабока трага како капитен. Летото 2023 година замина во Бугарија, а сега ќе се обиде да остави свој белег и во индонезискиот фудбал.
