Прволигашот Беса денеска објави соопштение во кое информира дека Бобан Бабунски, кој претходно беше назначен за тренер на екипата, нема да го преземе раководството.
„Бобан Бабунски, кој беше назначен за тренер на тимот, нема да го преземе раководството на екипата. По несогласување и промена на ставот на тренерот во однос на условите што ги договоривме, клубот реши да ја прекине соработката. Екипата со подготвителната фаза ќе стартува на 10 јануари 2025 година! За сите дополнителни промени ќе бидете информирани преку официјалните профили на клубот“, стои во официјалното соопштение на клубот.
Беса исто така најави дека подготвителната фаза на тимот ќе започне на 10 јануари 2025 година.
Очекува се клубот наскоро да објави детали кој ќе биде тренер на клубот.
