Ракомет

Охрид го дозна патот кон одбраната на круната: Драгунас Клаипеда е следната европска пречка!

Сподели
ФОТО: ГРК Охрид
Сподели

Европската приказна на ГРК Охрид продолжува со двомеч против литванскиот Драгунас Клаипеда. Актуелниот освојувач на ЕХФ Европскиот Куп ја дозна својата следна задача по ждрепката за третото коло, која беше одржана денеска во Виена. „Гладијаторите“ ќе имаат можност да го продолжат походот кон нов европски успех, но за тоа ќе мора да го минат ривалот од Литванија.

Охриѓани ќе го започнат двомечот на гостински терен, каде што првиот натпревар е предвиден за 21 или 22 ноември. Одлуката за патникот во следната рунда ќе падне на реваншот во Македонија, закажан за 28 или 29 ноември, кога Охрид ќе ја има поддршката од домашната публика.

ФОТО: ГРК Охрид

Драгунас Клаипеда во претходното коло покажа дека може да биде незгоден противник. Литванскиот состав го елиминираше чешкиот Робе Жубри со две победи, славејќи со 28-22 и 34-28. Интересно е што двата натпревари се одиграа во Клаипеда, па литванскиот тим ќе се соочи со нов предизвик на гостински терен во обидот да продолжи понатаму.

За Охрид ова е следниот чекор во обидот да ја одбрани европската круна. По убедливите настапи во претходната рунда, „гладијаторите“ ќе сакаат да изградат добра предност уште на гостувањето и потоа пред своите навивачи да го потврдат пласманот во следната фаза. Европската авантура продолжува, а целта останува иста – Охрид повторно да биде дел од завршницата во борбата за трофејот.

Сподели
Напишано од
Сања Секулоска -

Сања Секулоска е спортска новинарка во Спортска Мрежа. Секулоска по професија е магистер на економски науки, која започнува од хоби кон новинарството конкретно во ракометот. Секулоска го следи и европскиот ракомет.

Не пропуштајте

Турнири

Уште само пет слободни места за новогодишниот турнир во Демир Хисар – награден фонд од 180.000 денари!

Интересот за новогодишниот турнир во мал фудбал во Демир Хисар е голем, а организаторите информираат дека остануваат уште само пет слободни места за...

РепрезентацијаФудбалска репрезентација

Македонија до 19 години со драматична победа над Малта за крај на квалификацискиот турнир

Репрезентацијата на Македонија до 19 години со победа од 3-2 против Малта го заврши настапот на квалификацискиот турнир за пласман на Европското првенство....

Поврзани написи
Ракомет

Вардар Неготино како „експресен воз“ го „прегази“ Радовиш, Македонија Ѓорче Петров со голема победа го „тресна“ Пролет

Деветтото коло од Првата ракометна лига во машка конкуренција донесе пет гостински...

Ракомет

Сите патишта водат кон „Млаз“ – Богданци и целиот Југоисток се обединуваат за првата победа на Младост!

Во сабота, Богданци повторно ќе живее за ракометот! Легендарната сала „Млаз“ се...

Ракомет

(ВИДЕО) Кадетите на Младост со голема победа против Куманово – Иванџиков постигна 12 гола, плеј-офот сè поблиску!

Кадетите на РК Младост 1977 од Богданци забележаа значајна победа во Кадетската...

Ракомет

Томовски блесна против Мелсунген – десет одбрани и гол за македонскиот голман во Бундеслигата!

Македонскиот репрезентативен голман Мартин Томовски имаше одлично издание во германската Бундеслига, давајќи...

✕
error: Содржина е заштитена! Се забранува копирање на истата!