Репрезентацијата на Македонија до 18 години со минимални 0:1 загуби од Црна Гора во првиот од двата пријателски натпревари меѓу двете селекции.
Дуелот се одигра на стадионот „Билјанини извори“ во Охрид, а единствениот гол беше постигнат во 71. минута, кога Арда Илјазовски несреќно ја затресе сопствената мрежа.
Македонија во првото полувреме ја имаше најдобрата можност преку Васко Попалиски, кој шутираше од работ на шеснаесетникот, но не успеа да го совлада црногорскиот голман. Истиот фудбалер во вториот дел повторно беше во добра позиција, но по мешаницата во петерецот на противникот не успеа да реализира.
Вториот пријателски натпревар меѓу Македонија и Црна Гора ќе се одигра во вторник, со почеток од 11:00 часот.
Македонија: Лука Грчевски, Алекса Јазагиќ, Тео Стојчевски, Павел Котески, Марко Иванов, Алек Чедомирски (од 54. Алек Трипков), Арда Илјазовски (од 78. Лука Георгиев), Бленди Љачка, Васко Попалиски, Андреј Цветковски, Марко Мирчевски (од 54. Јаков Прелиски).
Селектор: Влатко Колев.
Црна Гора: Симон Сошиќ, Стефан Недиќ, Андрија Рондовиќ, Петар Ивановиќ (од 77. Лука Марковиќ), Матија Ракчевиќ, Алекса Цаушевиќ (од 67. Матија Кнежевиќ), Марк Ѓокај (од 77. Павле Пејовиќ), Веско Чукиќ, Петар Радомировиќ, Данило Кисиќ (од 67. Немања Кљајевиќ), Лука Вушуровиќ (од 77. Петар Беговиќ).
