Утре на програмата ќе бидат натпреварите од второто коло на Втората женска фудбалска лига, а Фудбалската федерација на Македонија ги одреди судиите кои ќе ја делат правдата на истите.
Колото ќе се игра во два дена, утре се играат три натпревари, втората рунда ќе се комплетира дури на 8 октомври.
Утре, во 12 часот во Валандово, ќе се игра дуелот меѓу Победа и дебитантот Топ Грлс од Охрид, каде Виолета Јанчева ќе дели правда, а за помошници ќе бидат Иван Танев и Илија Атанасов.
Во ист термин во село Порој, Џепчиште, ќе се игра натпреварот меѓу Менада и Ржаничино, каде Илчо Пауноски ќе биде главен судија, а ќе му помагаат Марко Бачевски и Генти Идризи.
Во 13:30 часот во Радовиш ќе се одигра средбата меѓу Плачковица и дебитантот Башкими, каде Александра Спасова ќе биде главен судија, а ќе асистираат Николче Симонов и Давор Дишлиевски.
Колото се комплетира на 8 октомври со мечот меѓу Билјанини Извори и Топ Гол, кој ќе се игра во Охрид, а главен арбитар ќе биде Климент Ристоски, а ќе асистираат Марио Мојсоски и Јован Анѓелкоски. Натпреварот е закажан во 15:30 часот.
