Денес во Будва, Црна Гора, започнува Европското првенство во бокс за млади до 17 години (У17), кое ќе трае до 12 октомври.
На европскиот ринг Македонија ќе има четворица свои претставници, кои по долг период исполнет со тренинзи, откажувања и напорна работа ќе имаат можност да ги покажат своите квалитети во конкуренција на најдобрите млади боксери од Европа.
Македонската репрезентација ќе ја претставуваат од Леона Фетај – 66 кг, Арабел Рустемовски – 60 кг, Илир Селмани – 52 кг и Иса Бајрам – 57 кг.
Младите македонски боксери на Европското првенство ќе настапат предводени од тренерот Петре Чурулиновски, со македонскиот грб на градите и голема мотивација да го претстават македонскиот бокс на најдобар можен начин.
За четворицата репрезентативци ова ќе биде можност вложениот труд од подготовките да го преточат во настапи на европскиот ринг и да се соочат со силна меѓународна конкуренција.
Пред нив се денови исполнети со борби, предизвици и можност за докажување. Од македонската репрезентација порачаа младите боксери храбро да влезат во секоја борба, да веруваат во своите квалитети и да го покажат она што го работеле на тренинзите.
Европското првенство У17 во Будва започнува денес и ќе трае до 12 октомври. Македонскиот бокс ќе има четворица свои претставници на големиот европски собир.
