Осмото коло на Првата женска фудбалска лига носи натпревари со изразити фаворити, но и натпревар каде ќе се бара враќање на победнички патеки, освојување на бодови со кои би можело да има прогрес на табелата.
Колото се отвара во сабота со еден натпревар – Тиверија Брера во Струмица ќе го пречека Истатов, дуел во кој домаќинот ќе сака да го заборави брзо големиот пораз во претходното коло и ќе бара враќање на победничките патеки, а пак гостинската екипа е во ситуација во Струмица да бара излез од резултатската криза по петте порази во низа.
Во недела Каменица Саса како изразит фаворит ќе гостува кај Кочани со што „рударките“ не би требало да имаат проблем да ги освојат трите бодови.
Шампионот Скопје на домашен терен ќе има вистински тест против Пелистер, кој е вистинско изненадување и бележи големи резултати и ќе сака да направи изненадување и во Пржино.
Љуботен како фаворит на домашен терен ќе го пречека АС Јунајтед од Стурга. Домаќинот со победа би можел избие на врвот, ако Скопје направи „кикс“, од друга страна стружанки се надеваат на три бода, за да може да го фатат приклучокот за топ пет.
Речица на домашен терен ќе игра со Вардар, тоа ќе биде меч во кој и двете екипи ќе бараат втора сезонска радост и три бодови со кои би фаќале приклучок кон шестото место на табелата.
