Репрезентативната пауза ќе биде искористена за одигрување на пријателски натпревари со цел проверка на формата и одржување на натпреварувачкиот ритам.
Прволигашот Струга Трим Лум и второлигашот Новаци ремизираа во меч со четири гола, откако двете екипи одиграа 2:2.
Прволигашот Шкендија од Тетово со убедливи 0:3 го доби дебитантот во Втората лига, Камјани.
Во следните денови ќе се одиграат нови пријателски натпревари. Веќе потврда за закажан пријателски натпревар има меѓу Пелистер, кој ќе ја проверува во формата со Брегалница. Овој натпревар е закажан за 3 октомври (сабота).
Во Радовиш ќе се одигра контролен натпревар меѓу Детонит Плачковица и Беласица, овој меч ќе стартува во 13 часот.
