Екипата на Речица со убедливи 5:1 го совлада Кочани во рамките на 7. коло од Првата женска фудбалска лига и стигна до првата победа во сезоната.
За Речица ова беа исклучително важни три бода, особено ако се има предвид дека тимот ќе се бори за директен опстанок и избегнување на баражот.
Натпреварот го одбележа 15-годишната Лана Спасовска, која постигна хет-трик, а еден од нејзините голови беше вистинско ремек-дело.
Спасовска ја забележа голманката на Кочани далеку од својот гол и упати фантастичен удар од далечина. Топката заврши во мрежата, а голманката немаше никаква можност да интервенира.
Со три постигнати гола, младата фудбалерка имаше натпревар за паметење и покажа дека и на само 15 години може сериозно да го привлече вниманието во најсилната женска фудбалска конкуренција во Македонија.
-
- Погледнете го евроголот на Лана Спасовска:
