Македонија загуби од Словенија во Љубљана со резултат од 2:0, со што остануваме без бодови и по две кола во Лигата на нации.
По натпреварот, селекторот Гоце Седлоски, ги сподели своите први впечатоци по поразот на „Стожице“.
„Како прво да ѝ честитам на Словенија за победата, што се однесува до мојот тим моите играчи, мислам дека на денешниот натпревар дадоа се од себе. Како второ морам да кажам од овој процес што почнав со подмладување во репрезентацијата со неколку играчи, тука не застанувам. Мислам дека момците кои денеска добија првпат шанса на ваков натпревар, но и другите го оставија срцето на терен. Мислам дека поразот како пораз многу боли, сепак, пак ќе кажат, не постигнавме гол, но мислам дека на денешниот меч создадовме многу шанси. Морам да ги пофалам играчите, оставија срце на терен, им честитам. Нормално, тие се тажни и јас, но за три дена имаме друг натпревар и мора да се подготвиме за тој натпревар. Овој процес што го започнав, не застанувам, знам дека е тешко и ќе продолжам во таа насока“, изјави селекторот Гоце Седлоски по натпреварот.
Веќе в сабота следува нов натпревар, на домашен терен против Шкотска на домашен терен.
