Четвртолигашот Готен од Подареш продолжува со подготовките за новата сезона во Општинската фудбалска лига – Струмица, а тимот од радовишкото село одигра уште еден контролен натпревар за проверка на формата.
На домашен терен во Подареш, Готен славеше со 3:1 против Младост од Муртино во натпревар во кој беа постигнати вкупно четири гола.
За победничкиот состав погодија Исмет Чокал, Благој Василев и Николче Симонов, кои ја донесоа победата за Готен.
- Погледнете го голот на Благој Василев:
Реактивирање на клубот буди голем интерес во поранешната општина Подареш, со што пријателскиот меч меѓу Готен и Младост беше проследен од голем број на публика, што е јасен знак дека Готен на секој домашен меч ќе има силна поддршка од верната публика.
