Третолигашот Пчиња одлично ја започна сезоната 2026/27, а еден од најзаслужните за позитивниот старт е 25-годишниот Никола Цветковиќ, кој за првпат во кариерата ја има улогата на главен тренер.
Цветковиќ, кој поседува УЕФА Б лиценца, ја доби довербата да го предводи првиот тим на Пчиња, а резултатите во воведниот дел од сезоната покажуваат дека клубот направил избор во кој има причина да верува.
Во првите три натпревари под негово водство, Пчиња е без пораз, со две победи и едно реми. Со освоени седум бода, тимот моментално се наоѓа на второто место во Третата лига – Регион 3.
Добриот резултатски почеток е потврда за работата, посветеноста и енергијата која младиот стратег ја внесе во екипата, но и за амбициите на Пчиња во новата сезона.
За Цветковиќ ова е прв предизвик како шеф на стручен штаб на сениорски тим, а стартот му носи дополнителна мотивација да продолжи во ист ритам.
Од Пчиња му посакаа многу успеси во продолжението на сезоната, со верба дека неговата тренерска кариера во иднина ќе го однесе и на уште поголема сцена.
