Денес, МКК Куманово и МЗТ Скопје Аеродром ќе играат за првиот трофеј во новата сезона.
Овогодишното финале ќе има посебно значење за домаќинот и за целиот кошаркарски град. Натпреварот ќе се одигра во знак на големиот јубилеј – 80 години кошарка во Куманово.
Осум децении кошаркарска традиција, генерации играчи, тренери и спортски работници, бројни натпревари и незаборавни моменти ја создаваат богатата кошаркарска приказна на Куманово. Љубовта кон овој спорт со години ги обединува кумановчани и претставува важен дел од спортскиот идентитет на градот.
Токму затоа, јубилејот ќе биде одбележан со натпревар за првиот трофеј во новата сезона. Финалето на Суперкупот ќе биде можност кумановската публика да проследи квалитетен и атрактивен кошаркарски дуел, исполнет со спортски дух, фер-плеј и атмосфера достојна за големото финале.
Во исто време, овој настан е и своевиден поттик за новите генерации кои растат со кошарката и кои во годините што следат ќе ја продолжуваат традицијата на овој спорт во Куманово.
