Љуботен триумфираше над Драчево совладувајќи го Истатов со резултат од 0:3, меч со кој се отвори седмото коло во Првата женска фудбалска лига.
Гостинот од Тетово резултатот го отвори во 17. минута од средбата со гол на Елена Симјанова, додека пак во 26. минута Михаела Додевска постигна гол за двојна предност по првите 45 минути од средбата во Драчево.
Во вториот дел „истатовки“ се обидуваа да постигнат гол за да се вратат во игра барем за бод, но не успеваа шансите да ги претворат во гол, а печат на победата за Љуботен стави Улза Максути со гол во 92. минута.
Љуботен се враќа на победничките патеки по ремито во претходното коло со Вардар, а додека се комплетира колото во недела, тимот од Тетово ќе биде лидер со 17 бодови, два повеќе од Скопје и Пелистер, кои го делат второто место.
Истатов го запиша петтиот пораз во низа и останува на седмото место со шест бодови, а можност за излез од резултатската криза ќе гледа во осмото коло во Струмица против Тиверија Брера.
