Младост со целосен фокус е на мечот од 4. коло на Супер лигата, во Богданци ќе го пречека Алкалоид во обид за изненадување и прва сезонска радост.
Несреќниот пораз со Прилеп е минута, иако во тој меч со вистинска драма во финишот, Младост пропушти дури седум гола предност, а на крај загуби несреќно со гол разлика.
Младиот голман, Благој Панов, во изјава за Спортска Мрежа истакна дека нема време за жалење за тој несреќен пораз и дека веќе се подготвуваат за наредните натпревари.
„Имавме несреќен пораз против екипата на Прилеп, но нема време за жалење мора да се спремаме за наредните натпревари. Младост го гледам во најубаво светло се спремаме напорно за секој натпревар и очекувам врвни резултати во наредните кола“, вели Благој Панов за Спортска Мрежа.
Панов вели дека атмосферата во тимот е фантастична, дополнување дека трибината во „Млаз“ на секој меч е полна до последното место.
„Атмосферата е одлична, сигурен сум и дека ќе ја задржиме, имаме сјајна публика, трибините се преполни имаме одлична поддршка на секој натпревар се надевам дека ќе го видиме тоа и на утрешниот ден“, дополнува голманот роден 2004 година.
Младиот ракометар на Младост очекува да одиграат квалитетен натпревар против тимот од Автокоманда.
„Алкалоид има прекрасен тим сепак тие се фаворитите на овој натпревар, но ние играме на домашен терен, очекуваме да одиграме квалитетен натпревар и да ги задоволиме сите со нашата игра“, заклучува младиот чувар на мрежата на Младост.
Натпреварот меѓу Младост и Алкалоид е закажан за сабота од 18:30 часот.
