Прилеп и Тиквеш одиграа без победник во последниот натпревар од третото коло во Супер машката лига, откако средбата заврши 28-28.
Кавадарчани имаа предност во завршницата и на минута и пол до крајот водеа со 28-26, но домашниот состав не се предаде. Прилеп прво намали преку Тренчевски, а потоа Кастратовиќ го постави конечниот резултат и му донесе бод на својот тим.
Најефикасен кај Прилеп беше Андреј Стојановски со десет гола, додека Шипинкоски постигна шест. Во составот на Тиквеш, Ончев и Бен Махфуд реализираа по пет пати, а Солев натпреварот го заврши со десет одбрани.
Со овој епилог двете екипи мораа да се задоволат со поделба на бодовите по возбудливата завршница во Прилеп.
