Влазерими Јуниор го одигра првиот меч во новата сезона во Трета лига регион 5 откако во првото коло тимот од Кичево беше слободен, а во второто коло со 2:5 славеше на гостување кај Демир Хисар.
Нарт Усеини беше двоен стрелец, а по еден гол постигнаа Јордован Мемишоски, Леонтин Бајрами и Арѓент Зибри, а пак за домаќинот погодија Дарко Ангелевски и Христијан Китановски во самиот финиш за ублажување на поразот.
Кичевски Напредок славеше над новајлијата Чардак Велгошти на гостувањето во Охрид со 1:2. Гостите со голот на Марко Божиноски во 30. минута стигнаа до предност од 0:1, а Христијан Речковски во 70. минута погоди за 1:1. По десет минути игра Осман Исмаили успеа да постигна гол за конечни 1:2.
Екипата на Напредок од Ношпал триумфираше пред домашната публика над струшкиот Караорман со резултат од 2:0. Двата гола беа постигна во првиот дел, а погодија Владе Јанакиевски и Димитар Аќимовиќ.
Огромна победа забележа Кравари откако со 4:0 на домашен терен ја декласираше Света Троица од Охрид. Антонио Јаревски во 9. минута погоди за водство од 1:0 на полувреме.
Во вториот дел Стефан Каревски постигна два гола, а во 83. минута Хакан Алимовски стрелаше за конечни 4:0.
Според информациите на Спортска Мрежа, неофицијално дознаваме дека натпреварот меѓу Могила и Баир Спорт бил прекинат при резултат од 1:1, наскоро детали.
