Куманово ја оправда фаворитската улога со висока победа од 4:1 над Липково во мечот од 2. коло на Трета лига регион 2.
Сите четири погодоци домаќинот ги постигна во првиот дел, резултатот го отвори Богдан Велиновски, Ќендрим Абази постигна два гола, а еден гол постигна Леон Момевски. Во вториот дел Иса Алили во 55. минута стрелаше за конечни 4:1.
Беса од Слупчане славеше над Влазними во Оризари со резултат од 1:2. Гостинот преку Харин Касуми и Шуајб Бајрами имаше два гола предност, а во финишот на првиот дел Сабри Рамадани погоди за конечни 1:2, откако во вториот дел немаше погодоци.
Во Старо Нагоричане беа постигнати дури четири погодоци за сигурна победа над Речица од 1:3 на Козјак. Немања Сојановиќ го отвори резултатот во 35. минута од средбата, а во 43. минута Младен Петрушевски погоди за 1:1 на полувреме.
Во вториот дел Дарио Јакимовски го врати водството, а Христијан Кипријановски стрелаше за конечни 1:3 во две минути.
Пчиња со голот на Никола Ѓорѓиевски во 95. минута дојде до победа над Академија Осогово од Крива Паланка од минимални 1:0.
Претходно, како што објави Спортска Мрежа, екипата на Јуниор Славеше над Победа од Тромеѓа, нашиот извештај од тој меч е достапен овде.
