Еурофарм Пелистер 2 стигна до првите суперлигашки бодови оваа сезона, откако во драматичен натпревар го совлада Мулти Есенс со 30-29.
Дуелот донесе неизвесност до самиот финиш, а битолскиот состав во клучните моменти покажа поголема концентрација и успеа да го задржи минималното водство за значаен триумф.
Мулти Есенс, кој по враќањето во најсилната македонска конкуренција сезонава настапува со млад состав, имаше свои моменти и се покажа како сериозен противник, но на крајот остана без награда за прикажаното.
Кристијан Симоновски беше најрасположен кај Еурофарм Пелистер 2 со осум погодоци, додека Давид Димевски натпреварот го заврши со седум. Во домашниот состав, Давид Трајковски постигна шест гола, а голманот Стефан Јорданов забележа десет одбрани.
За битолчани ова е прв триумф по воведните натпревари од сезоната, додека Мулти Есенс останува без бодови по три одиграни кола.
