Шестото коло на Втора лига го донесе и дербито меѓу ланските прволигаши Македонија ЃП и Работнички, каде гостинот со голот на Андреј Кудијан славеше победа од 0:1.
Пелистер славеше во дербито со Охрид, со што “рибарите” забележаа прв сезонски пораз губејќи со минимални 1:0.
Стрелец на победничкиот гол беше Кире Стојков.
Камјани на домашен терен со Детонит Плачковица забележа победа од минимални 1:0 со голот на Арсим Љамалари.
За Бурхан Емурлаи ова беше последен меч како тренер на Камјани, кој кариерата ја продолжува во Азербејџан.
Во Гевгелија екипата на Кожуф пред верните “Фантоми” во дуелот со Новаци забележа пораз, за гостинот ова е втора победа во низа, а стрелец беше Христијан Драгарски.
Беласица против Еуромилк ГЛ го забележа четвртото последователно реми откако одигра 0:0 против “лисиците”.
Раководството на клубот од Горно Лисиче се насочува кон решавање на тренерското столче кое е празно, откако Јован Трајков си поднесе оставка.
Осогово во Тетово со Тетекс одигра 0:0 и освои бод, за “штофарите” ова е второ реми во низа по ремито во Струмица со Беласица.
Колото се комплетира утре со мечот во Струмица меѓу Брера и Шкупи.
