Денес беше отворено 6. коло во Првата женска фудбалска лига со победата на шампионот Скопје од 4:0 над Истатов.
Шампионот по само пет минути игра имаше двојна предност, откако Радица Чонева во 3. минута постигна гол против својот поранешен клуб за водство од 1:0, а само две минути подоцна Ивана Милевска погоди за предност од 2:0.
До крајот на првиот дел Чонева успеа да постигна и втор гол, откако успешно погоди во 30. минута за предност од високи 3:0 на полувреме за екипата на Скопје.
Во вториот дел печат на високата победа стави Тамара Атанасовска кога во 65. минута од средбата во Пржино погоди за конечни 4:0.
