По две одиграни кола во новата сезона од Супер лигата, охриѓанецот- Наум Костов од МРК Куманово, е лидер на листата на најдобрите стрелци.
Костов, во првите два натпревари постигна 23 гола. Тој, на натпреварот против шампионот Вардар, имаше блескава партија од 15 погодоци, од исто толку и обиди. На второто место е ракометарот на Охрид, Доминик Мате, кој досега има 18 гола.
Трет на листата е Димитар Димитриоски од Прилеп со 15 погодоци, додека зад него следува група од четворица ракометари со по 14 гола. Во неа се Петар Атанасијевиќ од Еурофарм Пелистер, Мохамед Азиз Бен Махфоудх од Тиквеш 2014, Даниел Андоновски од Младост и Никола Јукиќ од Струга.
Топ 10 го комплетираат уште тројца ракометари со по 13 постигнати голови. Владимир Бојаниќ од Младост, Давид Трајковски од Мулти Есенс и Кристијан Симоновски од Еурофарм Пелистер 2 по две кола се на делба од осмото до десеттото место.
Топ 10 стрелци по две кола:
1. Наум Костов – МРК Куманово – 23
2. Доминик Мате – Охрид – 18
3. Димитар Димитриоски – Прилеп – 15
4. Петар Атанасијевиќ – Еурофарм Пелистер – 14
5. Мохамед Азиз Бен Махфоудх – Тиквеш 2014 – 14
6. Даниел Андоновски – Младост – 14
7. Никола Јукиќ – Струга – 14
8. Владимир Бојаниќ – Младост – 13
9. Давид Трајковски – Мулти Есенс – 13
10. Кристијан Симоновски – Еурофарм Пелистер 2 – 13
По само две кола, разликите на врвот сè уште се релативно мали, а продолжението од сезоната ќе донесе нови промени на стрелечката листа. Засега, Костов е прв стрелец, додека Мате е најдобро пласираниот ракометар на Охрид.
