Одличен настап за ТК Тумба од Куманово на државното првенство за ветеранки над 30 години, каде што Марија Златевска стигна до шампионската титула.
Првенството се одржа од 5 до 7 септември на терените на ТК Евросет во Скопје, а Златевска го круниса настапот со убедлива победа во финалето.
Кумановската тенисерка во борбата за титулата ја совлада Сања Ѓорѓиева со 6:3, 6:1, со што заслужено се закити со шампионското одличје.
Успехот на Тумба го комплетираше и Катерина Димковска, која исто така имаше одличен настап и го освои третото место.
Така, ТК Тумба од Куманово од државното првенство за ветеранки над 30 години се враќа со шампионска титула и бронзено одличје, уште една потврда за квалитетот на своите тенисерки.
