Осмото коло од Првата македонска фудбалска лига ќе донесе интересна динамика, со натпревари распоредени во пет дена, а две средби ќе се одиграат во вечерен термин под рефлектори.
Колото започнува утре, петок, со два натпревари од 16 часот. На Градскиот стадион во Гостивар, Шкендија ќе го пречека Башкими, додека во Кратово силите ќе ги одмерат Силекс и Тиквеш.
Во сабота од 20 часот, на теренот на Фудбалската федерација на Македонија, шампионот Вардар ќе игра против дебитантот Шкендија Арачиново. Овој натпревар е предвиден во вечерен термин под рефлектори од 20 часот.
Во недела нема натпревари, а програмата продолжува во понеделник од 16 часот, кога Струга Трим Лум на домашен терен ќе го пречека Арсими.
Последниот натпревар од осмото коло ќе се одигра во среда, 23 септември, од 18 часот во Штип. Брегалница ќе биде домаќин на Скопје, а оваа средба ќе ја спушти завесата на осмото коло во македонската фудбалска елита.
