Денес со еден натпревар ќе биде отворено 5. коло на Втората македонска фудбалска лига, а мечот меѓу Работнички и Брера Струмица е одложен и ќе има нов термин, бидејќи струмичкиот тим ќе игра во младинската Лига на шампиони.
Познати се судии кои ќе ја делат правдата на мечевите од петтата рунда на второлигашкиот шампионат.
Денес во 16 часот стартува мечот меѓу Македонија ЃП и Камјани, каде Марјан Стојановски ќе дели правда, а ќе му помагаат Даниел Василевски и Александар Ѓорѓиески, додека пак Бенарт Зеќири ќе биде четврти судија.
Делегат на мечот е Марјан Пишмановски, а контролор е Коле Василев.
Утре ќе бидат одиграни останатите мечеви, а кои стартуваат во ист термин од 16 часот.
На Чаир ќе се соочат Шкупи и Пелистер, дуел на лански прволигаши каде правда ќе дели Фатмир Бафто, а ќе му помагаат Мишо Ѓорѓиески и Стефан Петрушевски, а пак Бардхиљ Ибраими ќе биде четврти судија.
Дритан Бакали е делегат, а контролор е Горан Спиркоски.
Фуркан Идиризи ќе биде главен судија на „Билјанини Извори“, каде ќе се соочат Охрид и Еуромилк ГЛ, а ќе му помагаат Дарко Јовчевски и Имран Абази, а пак четврти судија е Пларент Салихи.
Делегат на натпреварот е Никола Мицановски, а пак Џенан Хајдари е контролор.
Ндерим Тефику ќе биде задолжен за правдата во Кочани каде ќе играат Осогово и Кожуф, а асистент-судии ќе бидат Мартин Петковски и Станко Митровиќ, а пак Ненад Тодоровски ќе биде четврти судија.
Зоран Перески ќе биде делегат, а контролор е Зоранчо Темелков.
Ангелчо Ристов ќе им суди на Новаци и Детонит Плачковица, а ќе му помагаат Давор Дишлиевски и Ване Дупкаров, додека пак Владимир Ѓорѓиевски ќе биде четврти судија.
Емин Кранли е делегат на овој натпревар, а пак Марјан Петров е контролор.
Колото се затвара со меч под рефлектори во Струмица, каде од 19 часот Беласица ќе го пречека Тетекс. Крумислав Ѓоргиев ќе биде главен судија, а негови помошници ќе бидат Богданчо Ѓеоргиев и Дејан Стоиков, а пак Дарко Стојанов ќе биде четврти судија.
Трајче Шопов ќе биде делегат, а Горан Ангелески ќе биде контролор.
