Струга Трим Лум продолжува со позитивните резултати во Првата македонска фудбалска лига, откако на домашен терен минимално со 1-0 го совлада Силекс во натпреварот од шестото коло.
Човек на одлука покрај Охридското Езеро беше Ласана, кој го постигна единствениот погодок на натпреварот и ѝ донесе нови три бода на својата екипа.
Со овој триумф Струга продолжува да го следи лидерот Шкендија и сега има само два бода помалку од тетовскиот состав, што дополнително ја зголемува неизвесноста во врвот на прволигашката табела.
Силекс, пак, останува на седум освоени бодови и моментално се наоѓа на седмата позиција. Кратовчани во следното коло ќе имаат нова можност да стигнат до триумф и да се искачат на табелата.
За Струга, минималната победа е уште една потврда на одличната форма во досегашниот дел од сезоната и на амбициите за висок пласман.
