Њу Старс од Скопје доби сериозно засилување за новата сезона, откако дресот на клубот го задолжи искусниот 40-годишен Дејан Блажевски.
Поранешниот македонски репрезентативец во Њу Старс пристигнува од Хоризонт Турново, каде што настапуваше минатата сезона и беше најдобар стрелец во Третата македонска фудбалска лига – Исток.
Блажевски зад себе има богата кариера и настапи во неколку познати македонски и странски клубови. Во својата кариера го носеше дресот на Вардар, Работнички и Хоризонт Турново, а настапуваше и за албанскиот клуб Тирана. Искуството стекнато низ годините, како и настапите на највисоко ниво, го прават едно од позвучните имиња во третолигашката конкуренција.
И покрај 40-те години, Блажевски минатата сезона покажа дека сè уште поседува квалитет и голгетерски инстинкт, завршувајќи ја сезоната како најдобар стрелец во Третата лига – Исток.
Сега искусниот офанзивец ќе има нов предизвик во дресот на Њу Старс, каде што со своето искуство, лидерски квалитети и реализација се очекува да биде важен дел од тимот во борбата за што подобар пласман во новата сезона.
