Радовишанецот Горан Стојанов кариерата ја продолжува во германската Бундеслигата, откако беше промовиран во Јанг Бојс Балкан.
Стојанов минатата сезона зад себе има двојна круна со Проект, откако тимот од Јосифово по вторпат стана шампион, а за првпат ја освои Куп титулата за обединување на двете круни со генерација на футсалци меѓу кој и Стојанов.
Радовишанецот дебитираше и во УЕФА Футсал Лигата на шампиони откако со Проект беше дел од прелиминарната фаза каде стекна драгоцено искуство во група со екипите на Грац (шампион на Австрија), Врхника (шампион на Словенија) Макаби Нетанја (шампион на Израел). Стојанов се запиша и во лигата со гол против словенечкиот шампион Врхника.
26-годишниот Стојанов во Проект пристигна во февруари 2025 година каде ја освои двојната круна во македонскиот футсал, а имаше настапи и за радовишки Детонит Плачковица и Хоризонт Турново, а кариерата ја започна во Серта од Конче.
Стојанов има и искуство како футсалер и со настапи во Бизнис лигата каде беше дел од екипата на Лукоил.
