Поранешниот шампион на Македонија, Каменица Саса, продолжува да го гради тимот за новата сезона, а најново засилување е турската фудбалерка Селин Туркоглу.
Туркоглу пристигнува од турскиот шампионат и игра во средниот ред. 24-годишната фудбалерка има настапувано за младинските селекции на Турција, а во својата кариера двапати ја освојувала шампионската титула во Турција.
Во досегашната кариера, Туркоглу настапувала за турските клубови Карадениз Ереглиспор, АЛГ Спор, АББ Фомгет СК и Хајмана СК.
Каменица Саса во пресрет на новата сезона гради сериозен состав со кој ќе атакува на шампионската титула. Претходно во тимот се врати бугарската репрезентативка Антонина Шопска, додека беше промовирана и црногорската интернационалка Анџела Савовиќ.
Новата сезона во Првата женска фудбалска лига Каменица Саса ќе ја започне на гостински терен против Љуботен.
