Денес започнува 11. издание на меморијалниот турнир „Миле Нешкоски“ во Прилеп, а на истиот ќе настапат домаќинот Прилеп, Мулти Есенс, Младост Богданци, Бутел, Тиквеш и Еурофарм Пелистер 2.
Шесте екипи ќе бидат поделени во две групи со по три екипи. Во групата 1 ќе бидат екипите на Прилеп, Мулти Есенс и Младост од Богданци, а пак во групата 2 ќе бидат сместени екипите на Бутел, Тиквеш и Еурофарм Пелистер 2.
За денес се предвидени два натпревари. Во 18 часот Бутел ќе игра против Тиквеш, а од 20 часот Прилеп против Мулти Есенс.
За утре на програмата ќе бидат исто така два натпревари во истите термини. Од 18 часот Тиквеш на мегдан против Еурофарм Пелистер 2, а пак Прилеп против Младост Богданци од 21 часот.
Во сабота (22 август) од 18 часот ќе се соочат Еурофарм Пелистер 2 против Бутел, а од 20 часот Мулти Есенс ќе се соочи со Младост од Богданци.
За 23 август (недела) ќе се одиграат трите натпревари за конечен пласман на турнирот. Во 16 часот ќе се игра мечот за петто место, од 18 часот ќе се игра мечот за трето место, а од 20 часот е големото финале.
