Прволигашот Башкими ангажираше две нови засилувања за продолжението од сезоната, по лошиот старт со три порази од толку натпревари во кумановскиот прволигаш пристигнаа младиот Стефан Ристовски и Фати Исмаили.
20-годишниот Ристовски доаѓа од редовите на радовишкиот второлигаш Детонит Плачковица, а низ неговата кариера настапуваше и за Борец и младинскиот тим на Работнички, а меѓународна кариера градеше во младинскиот тим на бугарска СЦКА Софија.
Ристовски веќе настапи во дресот на Башкими на мечот против Арсими кој заврши со пораз за тимот од Куманово со минимални 1:0.
Исмаили, кој има 28 години во Башкими доаѓа од косовски Динамо, а таму настапуваше и за Вуштрија и Приштина е Ре, во македонскиот фудбал ги носеше дресови на Воска Спорт, Работнички, Шкупи и Гостивар.
Се очекува Исмаили да биде вистинско освежување во тимот на Шабан Сулејмани.
Веќе в петок тимот на Башкими ќе бара прв позитивен резултат против Брегалница во Штип.
