КК Пелистер го враќа Си-Џеј Вилсон во своите редови. Американскиот плејмејкер, кој има 32 години, минатата сезона настапуваше за битолскиот прволигаш, а по шест месеци поминати во Шведска повторно ќе го облече зелено-белиот дрес.
Вилсон во првата половина од сезоната во дресот на Содертаље имаше просек од 11,8 поени, 5,4 асистенции и 4,9 скокови по натпревар.
Американецот има искуство и од македонската кошарка, со оглед на тоа што покрај Пелистер, настапуваше и за Кожув. Пред ангажманите во Македонија, Вилсон играше во Полска, каде што со просек од 22,3 поени по натпревар беше најдобар стрелец во својот тим.
Во својата кариера настапуваше и во првенствата на Романија, Шведска, Албанија и Босна и Херцеговина.
Вилсон деновиве ќе пристигне во Битола и ќе се приклучи на своите нови соиграчи
