Четвртото коло на Првата македонска фудбалска лига ќе се игра во три денови, а ќе се отвори во петок со мечот меѓу Скопје и Тиквеш кој ќе стартува во 17 часот.
Два часа подоцна во Штип ќе се одигра натпреварот меѓу Брегалница и Башкими, кој ќе стартува во 19 часот под рефлектори.
За сабота е планиран еден меч – Шкендија Арачиново ќе биде домаќин на Арсими од 16:30 часот.
Колото се затвара со два натпревари в понеделник. Од 17 часот Вардар ќе игра против Силекс, а пак од 19 часот во вечерен термин на теренот на ФФМ во Скопје ќе играат Шкендија и Струга Трим Лум.
