Прволигашот Каменица Саса ја претстави Црногорката Анџела Савовиќ како најново засилување за предизвиците во сезона 2026/2027 во Првата женска фудбалска лига.
22-годишната фудбалерка доаѓа од хрватскиот шампионат каде настапуваше за екипата на Сплит, а за Савовиќ ова е враќање во македонскиот фудбал, бидејќи во период од септември до ноември 2025 година настапуваше за Вардар.
Во првата женска фудбалска лига новата „рударка“ има осум настапи во дресот на Вардар.
„Анџи игра одлично по бековските позиции, се одликува со својата брзина, борбеност и агресивност со што добиваме силно засилување кое ни додава мотивација за високи цели и нови успеси! Со среќа Анџи, заедно до титула“, велат од ЖФК Каменица Саса.
Низ кариерата Саоввиќ настапуваше за Будуќност, Младост и Брезница.
Новата сезона Каменица Саса ја отвара против Љуботен во Тетово, во дуел на два поранешни шампиони.
