ФК Металург 2025 го одржа првиот тренинг и официјално ги започна подготовките за сезоната 2026/27, која ќе биде историска за клубот.
Новоформираниот тим за првпат ќе се натпреварува во македонскиот фудбал, а своето деби ќе го има во Четвртата регионална лига – Скопје.
Првиот собир и тренинг беа одржани во вторник, 11 август, со што и официјално започна новото поглавје за клубот. Од Металург 2025 најавуваат амбициозен пристап и голема желба за добри резултати уште во дебитантската сезона.
Од клубот информираат дека ростерот за сезоната е практично комплетиран.
Во следниот период тимот ќе продолжи со работа и ќе одигра неколку пријателски и тренинг-натпревари, преку кои стручниот штаб ќе има можност дополнително да го подготви тимот и да го темпира формата.
Целта е Металург 2025 подготвен да ја дочека првата официјална сезона и да се обиде да биде што е можно повисоко на табелата.
За новиот клуб ова ќе биде повеќе од обична сезона – ќе биде првиот чекор во историјата на ФК Металург 2025 и почеток на една нова фудбалска приказна во Скопје.
