Башкими и Тиквеш со сосема различно расположение го дочекуваат денешниот меѓусебен дуел во Куманово. Домашниот тим сака да го заборави лошиот старт на сезоната и убедливиот пораз од 6:0 против Силекс во Кратово.
Кавадарчани, пак, пристигнуваат со значително поголема самодоверба, откако во првото коло со одлична игра го совладаа Арсими со убедливи 5:1 и на најдобар можен начин го отворија новото првенство.
Иако Тиквеш важи за фаворит во оваа пресметка, во кавадарчани се свесни дека ги очекува незгоден противник. Затоа пристапот ќе биде максимално сериозен и без потценување, со единствена цел – да се продолжи победничкиот старт и од Куманово да се заминe со нови три бода.
„Треба да бидеме внимателно. После тоа прво коло кое заврши добро за нас, а лошо за Башкими, не смее премногу да не залажува, затоа што првите натпревари не се секогаш мерило како ќе се одвива сезоната. Како и да е, ние нормално дека ги респектираме, но си имаме наши амбиции, а тоа се да освоиме што повеќе бодови на стартот на сезоната, за добар пласман на крајот“, рече Александар Вареловски, капитенот на екипата на Тиквеш.
Натпреварот помеѓу Башкими – Тиквеш се игра денеска на стадионот „Башкими“ во Куманово со почеток во 17 часот.
