Третолигашот БВК Коњаре ги започна подготовките за новата сезона во Трета лига регион 1 каде ќе атакува на шампионскиот пехар, а со тоа да игра бараж и за влез во Втора лига.
Целта на тимот е пласман во повисок ранг на натпреварување, а за таа цел беа промовирани и неколку искусни имиња, а според информациите на Спортска Мрежа ростерот не е затворен, се очекуваат уште најмалку две до три засилувања.
Клубот досега се засили со Ерблин Даци, Омер Сулејман, Амар Мустафа, Бурим Алиев, Иљаз Чилафи, Јусуф Алиу, како и голманот Бурхан Мустафа, а беше продолжена соработката со капитенот Онур Емини и Руфат Чилафи.
Нов тренер на тимот ќе биде Алиса Виши, кој минатата сезона го предводеше Шкупи во Првата македонска фудбалска лига.
Во план е одигрување на неколку пријателски средби од контролен карактер за проверка на формата.
