Познати полуфиналистите на турнирот во мал фудбал „Ораовица 2026“ откако беа одиграни четвртфиналните натпревари.
На првиот четвртфинален меч меѓу Фреигхт Оне и Црна Река победникот се решаваше во пенал рулетот откако во регуларниот дел беше 3:3, а во пенал серијата радовишани беа подобри за пласман во полуфиналето.
Во вториот меч тимот на Тобако Јаков & Такси Бате ЗЦ со резултат од 2:0 го исфрли тимот на ФАФА Транспорт.
Леон Транспорт се соочи со Вергови каде исходот беше триумф за Вергови (2:4) и пласман во полуфиналето.
Последниот полуфинален патник е тимот на Вила Клепало откако славеше над Стиф Компани по изведување на удари од белата точка бидејќи резултатот во регуларниот дел беше 2:2
Спортска Мрежа и годинава е медиумски покровител на турнирот во мал фудбал „Ораовица 2026“ кој се игра во истоименото радовишко село.
