Македонскиот фудбалски репрезентативец Дарко Чурлинов и официјално е нов член на полскиот прволигаш Погон Шчечин. Двете страни потпишаа договор на две години, со можност соработката да биде продолжена за уште една сезона.
Дваесет и шестгодишниот крилен напаѓач во Полска пристигнува со богато интернационално искуство стекнато настапувајќи во неколку силни европски првенства. Во текот на својата кариера ги носеше дресовите на германските Келн, Штутгарт и Шалке, англискиот Барнли, полската Јагелонија, а последен клуб му беше турскиот Кочаелиспор.
Чурлинов е стандарден македонски репрезентативец и со својата брзина, техника и офанзивни квалитети треба да претставува значително засилување за Погон Шчечин во новата сезона. Со овој трансфер тој повторно се враќа во полското првенство, каде претходно остави добар впечаток во дресот на Јагелонија.
