Генералниот секретар на Одбојкарската федерација на Македонија, Филип Деспотовски, ја извршуваше функцијата БВА супервизор на Балканското првенство за девојчиња до 17 години, кое од 21 до 25 јули успешно се одржа во Феризај, Косово.
На шампионатот настапија шест национални селекции од регионот, а титулата ја освои репрезентацијата на Турција, која до златниот медал стигна со максимален ефект, без ниту еден пораз.
Покрај обврските како БВА супервизор, Деспотовски учествуваше и во свечената церемонија на доделување на индивидуалните признанија, при што ѝ ја врачи наградата за најдобар техничар на црногорската репрезентативка Надја Пековиќ.
