Екипата на Куманово го утврди планот за подготовки за новата сезона, а целта ќе биде влез во Втора лига.
Куманово кој пред неколку сезони беше шампион во Трета лига – Север не успеа да го помине баражот откако загуби од Победа, а сега ќе се натпреварува во Трета лига регион 2 каде ќе се натпреваруваат екипи од Куманово, Кратово, Крива Паланка, Липково, Старо Нагоричане и Ранковце.
Куманово се наметнува како главен фаворит, а за таа цел клубот го задржа ростерот од минатата сезона речиси во целост и истиот ќе биде засилен со три до четири нови играчи со цел да може Куманово да се избори за првата позиција и шампионскиот пехар, а потоа во баражот да триумфира за влез во Втора лига. Минатата сезона Куманово заврши на третото место во Трета лига – Север, зад БВК Коњаре и шампионот Еуромилк ГЛ, кој потоа обезбеди влез во Втора лига преку баражот.
Планот е подготовките да започнат на 4 август, а договорени се четири контролни натпревари, од кои веќе еден одигра против Ржаничино и истиот го загуби со 5:1, а истиот беше одигран вчера.
Наскоро треба да бидат познати и сите екипи кои ќе се натпреваруваат во Трета лига регион 2.
