Денес на Градскиот стадион во Кочани се одигра пријателски натпревар меѓу второлигашите Осогово и Еуромилк ГЛ, кој заврши со три погодоци за славје на „лисиците“ од 1:2 над „жетварите“.
Стрелец на првиот гол за Еуромилк ГЛ беше Никола Анчевски, а пак во вториот дел погодок за тимот од Горно Лисиче постигна новото засилување Стојан Попоски. До крајот на натпреварот Осогово успеа да го ублажи поразот откако домаќинот постигна гол за конечни 1:2.
Резултатот оди во втор план, а целта е на истите да се провери формата и како истата се подига пред стартот на пролетниот дел. До крајот на летните подготовки и двете екипи ќе одиграат по уште неколку пријателски натпревари за проверка на формата.
Двете екипи новата сезона ја отвараат во Струмица, Еуромилк ГЛ ќе игра против Брера, а пак Осогово против Беласица.
